ОРЗУЮ УМЕДИ САБЗИ МАН

Сабзчашмо, туй баҳори ман,
Ба чй кор оядам баҳори сабз?
Дар ҳама фасли сол меёбам,
Хешро сабз дар канори сабз.

Сабзчашмо, зи чашми сабзи туст,
Орзую умеди сабзи ман.
То туро ёфтам, бисабзидам,
Хуни сабзе тапонд набзи ман.

Ман ба чашми ту дида медузам,
Ҳамчу шаҳрй ба сабзаи куҳсор.
Дил зи андуҳ мешавад холй,
Аз фараҳ сина мешавад саршор.

Сабзчашмо, баҳори човидам,
Бо ту умрам хазон нахоҳад шуд.
Ишваю нозу рози ту бо ман,
Байту шеъру тарона хоҳад шуд.
Соли 1987.