АГАР…

Агар чашми сиёҳат шуд насибам,
Аз ин бахти сафеди худ биболам.
Агар дунёи розат шуд насибам,
Зи дунё ман дигар ҳаргиз нанолам.

Агар печид дасти ман ба дастат,
Гиреҳашро факат дил мекушояд.
Диле, ки ошиқу девона бошад,
Муаммоҳои мушкил мекушояд.

Агар муи парешат ҳалқа-ҳалқа,
Маро дар ҳалқаҳои дом гирад.
Кучо парвои озодй кунад дил?
Ба дасти доми ту ором гирад.

Агар дар чорсуи зиндагонй,
Маро ово диҳй, эй ёри зебо.
Ба суят мешитобам, мешитобам,
Мисоле ташнае бар суи дарё…
Соли 1981.